shayari ke niam

shayar kitne niam hume sikhate gaye,
ek misre se dusra misra milaate gaye,

jazbaaton ko baher mein kaun baandhe....

roja aur deshprem 2

bachpan mein tera pyar ke ek chamach sahri,
jawaani mein kitne roje qurbaan hue tujhpe,

azaadi to iftaar humara,dekho kise mil raha..........

roja aur deshprem 1

roja jaisi kat rahi thi zindagi meri,
jab door thi mujhse dharti sunahri,

aj watan ki khushbu layi iftaar si tripti...

Dil

kaash mere jazbaaton pe na karte yun raham,
aur chur kar jate saare sapne shurwaat mein,


kishton mein na tootta yeh khwabon ka paimana....

keemti

keemti cheezon ko rakhna teri aadat hai,
meri to har roz aadatan gum ho jaati hai,

almaari mein samet na sakoon ashq tera...

Antonyms

woh kahte hain roz ki main hi unki duniya hoon,
kabhi oas ki boond,kabhi chaand ban jati hoon,


zameen aasmaan ka farq maloom nahin unhe...

kyon

tutne ke darr se kabhi joda hi nahin,
toda hai dil magar chhoda bhi nahin,

kyon ro deti hoon aksar rulate hue....