Kehte the tum jo apna na ho unse ahsaan na lo,
Ab taq kuch baatein tumhari main maanti hoon.

Shayad isi liye ab tumhise kuch liya nahin jata....

Teri aankhon ko kya chum liya
Mere hont namkeen ho gaye,

Ab kuch meetha ho jaye...

Har chehra khubsurat laga
Tera dil dekh lene ke baad,

Itni badsurati pehle dekhi na thi...

Tum se na milne ka gam,
Ek tarah se achha hi hai,

Jo bhi hai tum hi se to hai....

Chhodte waqt bhi na roya maine,
Kyun maaf karte hue dil bhar aya...

Ab to saare gile bhi gile ho gaye....

ruhaani khushion ka manzar ye aankhein
ek pal ko dikhti phir chhupti ye aankhein

thahrao hai itna ke bahti nahin dikhti....

Der

tum aye magar ek arse ke baad aye,
doli uthne taq aye to bas yaad aye,


der bhi aksar badi jaldi ho jati hai...