chori

ab is ghar se kuch bhi chori nahin hota,
dil ka sara samaan purana ho gaya hai,

chori bhi to ek kisam ki taarif hi hoti hai...

patta 4

main sookhe patte ki tarah bhatakti hoon,
tumse milne ki khwahish mein kho jati hoon,

tum ho taza patta,shaakh se girte hi nahin...

patta 3

tumhari safaai karne ki aadat ab taq gayi nahin,
ghar chhodte waqt ek panna chhoda tha maine,


tumne patta samajh ke jhhaadu maar diya hoga....

patta 2

haath ki rekhaon mein dekho,
qaid kar lo jeevan ko un mein,


hai zindagi patto ka khel magar......

Patta 1

tufaan aa raha hai magar,
ek patta bhi na hila kahin,

dil ko dikhawa karna nahin ata...

maa hai ke chaand gila

roz woh chhupke bas paani pee kar hi so jati hai,
mujhe khila kar chhalakti aankhein muskurati hai,


gila hai barsaat ka chaand ke bhukhi hai maa meri.........

shayari ke niam

shayar kitne niam hume sikhate gaye,
ek misre se dusra misra milaate gaye,

jazbaaton ko baher mein kaun baandhe....